帶隻公仔去旅行的樂趣，你試過沒有？
本人本不習慣去旅行玩公仔，因覺得唔型，但年頭因出trip去靜岡，決定順便帶家中小丸子返鄉下，發現了出trip帶公仔之樂，從此一發不可收拾。
帶公仔出trip最好玩，莫過於影moody寫真，你一定在facebook上見過一堆旅行公仔沙龍照。本人開始因怕醜，總是收收埋埋影，最近因巧遇同好，光明正大地在郵輪影了一場小丸子食早餐相，才發現原來人人愛玩公仔，侍應還會踴躍建議甫士，集思廣益的氣氛非常良好。
這幾天身在胡志明市，諗住人多車多留隻公仔喺房，晚上返到房突然眼前一亮：執房姐姐送了頂越南帽畀小丸子戴，尺寸剛剛好，構成旅途中難得的甜美時刻。離開房間時屎淋尿瀨，沒來得及寫意見書表揚這位好心地又有童真的員工，想借此機會向胡志明市某C字頭酒店講聲，多謝晒！我出稿時，會寫你大版啲！
記者：劉嘉蕙