鄭欣宜噚日接受商台訪問，佢自爆之前試過拍劇拍到嘔，佢話：「第一次攰到嘔，嗰次06通告化妝，我4點半要起身，所以只係瞓咗兩粒鐘，一拍完返到屋企一上床就唞唔到氣，好辛苦，都未去到廁所就嘔到一地都係。」欣宜坦言適應獨立能力超低，有時對住一堆污糟衫都可以喊餐飽，仲會立即掛住有媽咪喺身邊嘅日子。