古巨基前晚在紅館舉行的演唱會，請來蔡卓妍（阿Sa）擔任表演嘉賓，席間基仔不斷提及阿Sa與鄭中基的緋聞，並笑指圈中多人叫阿基，問阿Sa如何「揀基」，毫無招架之力的阿Sa惟有全場尷尬任玩。
前晚在紅館舉行的「古巨基EYEFEVER演唱會」第5場，由蔡卓妍任表演嘉賓，基仔介紹阿Sa出場時，刻意稱她為Sa嫂，又笑謂多謝阿Sa來到「鄭中基EYEFEVER演唱會」，並指娛樂圈中很多藝人叫阿基，他笑說：「有李龍基、鄭敬基、古巨基、龍炳基同鄭中基，阿Sa你用乜嘢衡量去揀基呀？」面露尷尬之色的阿Sa只好說：「你去換衫啦，唔好逼我呀！我都有嘢講㗎。」現場觀眾也即時起哄。
觀眾嘲爛gag
可是基仔玩得興起不肯收口，說：「阿Sa揀基係睇size，有中基有巨基，不過佢似乎唔鍾意加大，應該係揀中基。」此時阿Sa忍不住發嬌嗔說：「夠啦！個場係你嘅，我唔想亂講嘢，你咪得寸進尺。」
基仔在演唱會尾聲時又大玩爛gag，以愛的宣言形式冧fans，當基仔開始扮深情表示要多謝一個姓李的人時，台下觀眾即搶着說：「你哋呀嘛！」基仔又續說：「咁我又多謝一個姓戴嘅。」觀眾又搶答是大家，令基仔十分無癮，他還被觀眾寸早有報道寫了此段「愛的宣言」出來，基仔不甘示弱說：「咁我多謝姓郭嘅……各位呀！」果然不愧為爛gag王。
採訪、攝影：藍文浩