豬流感殺到，全球股市腳軟。前晚花旗股市算係企得穩，以為亞洲股市噚日可以反彈，點知世衞調高全球衞生警戒級別去到第4級，噚日區內股市冇得彈仲要跌，港股再跌近300點收市。病毒散播呢樣嘢冇得估，今日結算之後大市亦唔會咁快明朗，入市都係小注怡情好嘞。
信行C輪15523：中信銀行（998）昨收3.34元，升1.8巴仙，股價日前下試50日線後，彈回10日線樓上收市，之後進行整固，技術走勢唔曳。
大市若回穩，信行有機上破3.42元向4元推進，可以諗吓隻C輪15523，現價68仙，有效槓桿3.4倍，正股升上4元，15523睇1.20元，正股跌穿3.15元，就沽咗隻輪止蝕。
俊樺