大姨媽我每日主要工作係打扮同Shopping，hea嘆日辰先至不枉老公咁努力工作嘅成果。講開Shopping，至愛係掃CWB一帶同中環ifc、Landmark等，就嚟母親節，想當然要努力掃貨送畀媽咪同奶奶喇！喺CWB，好唔明白見到好多阿太同我一樣，明明係入商場掃貨都依然搵街錶泊車嘅，查實好多Mall都有免費泊車優惠，好似呢排去開嘅TimesSquare星期一至五消費滿$200就可以免費泊三個鐘，六、日公眾假期就同樣消費都可以免費泊兩個鐘；Anyway，莫講話2、3百蚊，行一間舖都隨時使幾千銀喇，仲未必行到3粒鐘㖭呢！
另外，香港大Mall有樣好，就係禮賓服務好，好多時都會提供多元化服務，就連手機充電、汽車電線借用、輪胎充氣機借用等等都有，試過一次部車突然死火，又同老公耍緊花槍，唔知去邊度搵人幫手，商場禮賓部就幫我安排拖車服務，世界無免費午餐，當然會Bill番你喇，之不過提提大家，知碇善用各方面提供嘅服務係同身家無關，睇吓個人夠唔夠精明啫！
文：大姨媽