熊黛林（Lynn）昨日在金鐘太古廣場宣傳，她穿上兩套性感的JeanPaulGaultier新裝，一時扮在郵輪曬太陽，一時和dancer跳百老匯歌舞劇，跳得似模似樣。Lynn說：「夏天到，要性感啲。之前上咗一堂兩個鐘頭學跳舞，其實一直想學，但搵唔到舞伴。」記者問何不找郭富城？她說：「唔掂先搵佢啦，佢係高手。」
喜成招攬對象
近日有傳黎明打本樂基兒開模特兒公司，被視為招攬目標的Lynn卻未有回覆，她說：「冇人問過我。」會否考慮過檔？她說：「暫時唔會，因為我同阿Kim（經理人）合作得好開心，同埋我都未滿約。」她謂開心成為招攬對象，她說：「想搵我梗係開心，但寫到咩埋堆嗰啲就唔知點答。」
採訪、攝影：羅慧敏