1985年港姐季軍王愛倫和1993年港姐亞軍林麗薇昨日以大師姐身份，聯同一眾師妹為09年港姐進行招募，雖然在場師妹個個青春可人，包括一向密實的何傲兒也性感起來、周家蔚穿deepV吊帶裙，非常養眼，但兩位師姐仍保養得宜，站在她們身旁也不輸蝕。
今年度《2009香港小姐競選》昨日在尖沙嘴舉行記者會，今年港姐將於8月舉行，大隊將會到日本北海道拍攝外景，王愛倫、林麗薇和蔡潔雯以大師姐的身份，率領陸詩韻、何傲兒、周家蔚、呂慧儀和徐淑敏等師妹出席，應屆冠軍張舒雅照例缺席，她們更在台上分享當年參選的心路歷程。
Catwalk出場
向來打扮密實的何傲兒，昨日破天荒以一件深紅色低V背心裙，聯同其他港姐以catwalk形式出場，令在場人士眼前一亮，事後何傲兒笑說：「港姐招募活動係一件盛事，梗係要着靚啲，我已經做好安全措施，所以唔怕走光。」
另一個性感上陣的周家蔚，被問到是否獲得緋聞男友洪天明的批准時，她笑說：「我覺得靚就得，唔會理其他人點睇，而且我都做好安全措施。」近期少了曝光的陸詩韻，原來跟父親學做生意，但她否認有轉行的打算，只是想學多點知識，問她經常出外公幹有否艷遇？她笑說：「我都想有呀，不過啲生意佬咁現實，乜都計住計住，我又成日同爸爸一齊，睇怕都冇乜機會。」
否認改合約
此外，對於有指無綫因張舒雅事件決定改合約，杜絕詐病事件再出現，同場的無綫製作資源部總監樂易玲說：「申請表同合約都冇改變，我唔知點解會咁寫，公司對張舒雅都好體恤，知佢承受唔到傳媒嘅壓力，對住記者會好緊張，佢都係啱啱畢業出嚟選美，唔係人人都可以面對到傳媒壓力，呢啲唔係佢初初預計得到。」
採訪：GraceHo
攝影：ChenWaiOn