朋友笑我，返工時已經要食唔停，為何放工後還可以專程北上吃麻辣火鍋？！無辦法，食食食確實是我唯一的興趣，不過好多時都是貪方便，喺商場開餐，奈何餐廳都是集團式連鎖店，選擇不多。不過近日好多餐廳將價錢大幅度下調吸引食客，我都唔介意多啲去刺激經濟。老媽，唔好又怪我唔返屋企食飯！
記者：吳允冲、王震遠
攝影：伍慶泉、王文忠、楊錦文
Model：Isis、Yu@PureModels
火山石優質牛五折食
甫入店，撲鼻而來的是無人能抵擋的牛肉香，完全將人類的肉食獸性激發出來。等待牛扒上桌的時間，我已經在流口水，滿室焦香的燒烤味，那一刻我覺得自己像在「吸毒」！Stonegrill主打火山石烹調，客人十居其九都為牛扒而來，可惜，好貴！像一客最便宜的安格斯牛柳就要$238。不過，餐廳剛推出每日一款石燒主菜半價，只要先點一客頭盤就可有優惠，確實是牛魔王的福音。半價主菜推介有澳洲M9和牛（半價後$299）、牛肋肉（半價後$154）、加拿大安格斯肉眼（半價後$139）等，每日不同。以最抵食的安格斯牛柳為例，半價後$119，配一客頭盤石燒珍寶蘑菇$78，連加一埋單唔使$230。
優質的牛肉完全不經醃製，原汁原味放在火山石上燒。火山石預先加熱至400℃高溫，極高溫下肉汁及水份得以迅速地鎖住，最好係可以自己控制生熟程度，輕輕撒上海鹽及胡椒，已可吊起牛肉的鮮味。附上的黑椒汁，其實可以冷落一旁。
安格斯牛柳（星期二半價主菜）
原價$238
半價$119
6安士的美國安格斯牛柳，肉質嫩滑，肉味又重，價錢最抵。
其他半價主菜推介——
澳洲M9和牛（星期日）
原價$598
半價$299
脂肪分佈平均，油香豐腴，肉質彈性，輕輕燒熟兩面已可入口。
挪威三文魚柳（星期五）
原價$218
半價$109
肥美的三文魚柳只宜燒到半生熟，燒至全熟就會好嚡口。
頭盤推介——
石燒珍寶蘑菇配番茄辣汁$78
輕輕燒一分鐘已可以食，菇身特厚又有水份，蘸點辣汁更醒胃。
三文魚牛油梨芒果鱈魚配魚子彩虹魚慕絲$138
三文魚、鱈魚、彩虹魚加黑魚子等如一個鮮字，單是賣相已抵晒。
加拿大雪花蟹肉蘋果合桃沙律$128
百分百絲絲蟹肉，配上微酸的蘋果片同吃，可令蟹味更突出。
Stonegrill（27219999）
尖沙嘴海港城海運大廈地下OTG01-02號舖
註：每位須惠顧一正價頭盤才有優惠。
加一以原價計算。
旺角黑夜壽司半價
吃壽司是Y世代的指定動作，但面對款款美味壽司，難免會失控，飽餐過後才懂肉赤。每晚九點多，總見一條長龍列於壽司店門前，搞到附近店舖都投訴阻塞，勞煩保安哥哥拉帶封線設排隊區。不是招聘活動，而是一壽司+推出「黑夜壽司」優惠，吸引大量粉絲恭候。晚上十點後，壽司、刺身及飲品都有半價，設每位最低消費$60。壽司款式跟平日餐單上的一樣，絕非巧立名目設指定名單，件件壽司的size也沒縮水。一壽司+不設中央工廠，食材到港後由機場直送到各分店，成本雖高，但食物新鮮質素好。
海膽拖羅壽司
原價$35
半價$17.5
拖羅加上新鮮海膽，配搭新穎。拖羅肉剁碎搽上拖羅油，味道更濃郁甘香；海膽鮮香。
江戶前古法淹八爪魚
原價$35
半價$17.5
日本進口八爪魚以茶葉蒸熟切片，爽甜又帶淡淡茶香。
鰻魚天婦羅壽司
原價$26
半價$13
鰻魚先蒸熟，即炸至金黃，再搽上鰻魚汁。鰻魚肉質爽口鮮味。
火舞黑蜘蛛卷
原價$28
半價$14
飯包着鮮炸軟殼蟹，沾滿黃、橙和黑蟹子。軟殼蟹脆口甘香。
一壽司+（21109922）
旺角新世紀廣場3樓331舖
「咔嚓」pizza任點套餐
PizzaExpress眾多分店，惟獨又一城新店有setdinner，分為二人（$268）、四人（$378）、六人（$568）晚餐，以四人餐為例，有麪包球+沙律+薄餅+意粉+2款甜品+4杯飲品，散叫貴成百蚊！而且套餐不設限制，可隨意在餐牌上任選，不過計到最抵，梗係揀最貴的item啦！像以上乘水牛芝士及番茄做的超級意大利傳統Margherita、有中國風味的北京烤鴨薄餅，最受歡迎的帕爾瑪薄餅或最新推出的花語薄餅，topping有雅枝竹及黑橄欖等，好有春天氣息。此店在英國已有四十幾年歷史，餅底可揀脆而煙韌的拿破崙餅底，或更薄脆有些微燶的羅馬餅底，放入口「咔嚓咔嚓」又有麪粉香，確是有質素的連鎖店。
帕爾瑪薄餅散叫原價$125
茄醬不酸只有清新茄味，帕爾瑪火腿加上鹹香的ricotta芝士，餅底有rosemary的香草味，味道豐富。
尼斯沙律散叫原價$98
青豆角青菜沙律配吞拿魚、薯仔、銀魚柳，入口清爽惹味。
煙三文魚長通粉散叫原價$89
長通粉煮得剛好，被薄薄的白汁包着，creamy但不會膩。
麪包球散叫原價$38
煙煙韌韌，可配牛油、茄醬、青醬。
貴族朱古力及Tiramisu
散叫原價各$49
朱古力蛋糕鬆軟，Tiramisu味道有層次。
PizzaExpress（36918691）
九龍塘又一城2樓L2-43號舖
註：套餐星期一至五晚市，星期六、日及公假全日供應。
七折消夜手握壽司
係，又係迴轉壽司，港人對壽司實在瘋狂。競爭大，家壽司店更設有消夜特價時段，逢星期一至四9:30pm後，壽司、刺身、卷物、手卷全部七折。你有平嘢食，我可以keep住魚生新鮮，大家好。和花亭屬日本集團香港分店，壽司做法跟足傳統。手握飯糰，用日本米，還特別加了味素，令飯粒保持粒粒分明不會變漿糊。魚生，由北海道等地直接入口，一星期三次直飛到港，零舍新鮮。
三文魚六福壽司
原價$38
半價$19
六款三文魚包括原味、配豉油青葱、XO醬、泡菜、咖喱鹽、和風番茄醬，最好由最淡的原味開始食。
軟殼蟹沙律手卷
原價$17
七折$11.9
即叫即炸的軟殼蟹超級鬆脆，難得是紫菜仍然是脆的。
海老三味壽司
原價$33
七折$23.1
生蝦鮮、半生熟蝦甜、熟蝦爽。
燒粟米壽司
原價$13
七折$9.1
原條粟米烚熟加燒汁燒成，比一般粟米粒軍艦更花心機。
和花亭（31489088）
觀塘apm3樓L3-13號舖
註：七折優惠只限星期一至四9:30pm後（公假除外），部份時令壽司無優惠。加一以正價計算。只限堂食。
