從近日的報道看來，通用汽車及克萊斯勒重組方案都有機會順利完成，對花旗股市應該係好消息，不過，市場嘅焦點突然間轉咗去豬流感，唔知花旗股市噚晚會點反應。
港股受豬流感嘅消息拖累，噚日跌咗418點收市，不過尾段期指大幅反彈，期指日線圖喺20日線現十字星，仲有大成交，睇嚟好友已經準備好反攻。
滙控C輪16194：滙控（005）噚日報收51.75元，跌1.8巴仙，算係好硬淨，下禮拜二公佈首季派息，可以睇好，如果好友要挾高期指結算，睇嚟都會掃高滙控，可以諗吓隻C輪16194，現價11仙，有效槓桿3倍，正股升上60元，16194有機見16.7仙，正股跌穿48元，就沽咗隻輪止蝕。
俊樺