上周中捧奧沙辛拿，領先一球都可以反輸2:3，西甲似乎唔利我，反而日本波算ok，周三就博大阪飛腳反底，主場大炒FC東京。
飛腳鋒將腳風順
大阪飛腳禮拜日就認真失威，作客1:3大敗畀神戶勝利船，喺呢場關西大戰中失威；不過講真，飛腳啱啱先由炎熱嘅印尼，應付完亞冠盃比賽歸來，又要坐飛機河，一時失準在所難免。周三主場出擊，相信可重現飛腳強攻王本色。論陣容，除咗二川孝廣同加地亮外，飛腳可強陣出擊，前鋒李安度蒙迪拉同中場遠藤保仁腳風都好順；相信上仗輸1:3的波友，今次可以連本帶利攞番，1.53主W固然穩，不過小弟貪心慣，當然要埋2.4倍「讓球主客和」「主勝」。
FC東京上仗就擊敗大分三神，取得作客兩連勝，表面上好威；不過認真睇，三神上半場已打少一個，FC東京都係89分鐘靠尾山陽平入12碼先贏波，實力唔好高估；而且FC東京都有中場中村北斗同門將鹽田仁史因傷缺陣，上仗已起用20歲小將權田修一把關，今仗對住星光熠熠嘅飛腳，好難再保清白身。
捧櫻花主場返勝軌
賭開日本波，配腳就向日乙埋手；大阪櫻花始終係日乙一線強隊，近兩場失分均屬作客，今次返主場可以反底；FC橫濱上仗打多一人，都可以輸畀札幌岡薩多，今次取櫻花「讓球主客和」「主勝」。岡山綠雉確認係日乙魚腩部隊，福岡黃蜂兩連敗，不過對手級數高，今次對手轉弱，捧2倍客W。文：牽牛
早飛王貼士
星期三15大阪飛腳vsFC東京
首選：大阪飛腳勝[-1]（2.4）
次選：大阪飛腳[主/主]（2.2）
冷選：大阪飛腳勝4:1（20）
早飛倉
主菜：星期三15大阪飛腳勝[-1]（2.4）@1,500
渾水摸魚過關：星期三3大阪櫻花勝[-1]（2.05）x
星期三15大阪飛腳勝[-1]（2.4）x
星期三17福岡黃蜂勝（2）3x1@500
今日早飛價錢：-$2,000上日賺蝕：-$2,400
早飛倉結餘：$80,125
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三24 曼聯vs阿仙奴
歐聯4強演英超內訌，曼聯上仗大發神威，5:2反勝熱刺，朗尼、C朗腳風順；阿仙奴亦靠法比加斯梅開二度，贈米杜士堡雙蛋，大戰一觸即發。
星期四3 雲達不來梅vs漢堡
歐協4強就由兩支德甲球隊內訌，兩軍上周中才於德盃交手，激戰至120分鐘未分勝負，作客的雲達不來梅互射12碼氣走漢堡。