一連三場的「志雲飯局LiveonStage」舞台版昨晚在尖沙嘴文化中心首演，嘉賓包括謝安琪、謝偉俊、葛民輝等，謝天華和胡定欣則會表演鬥牛舞，捧場嘉賓包括白韻琴、高鈞賢和黎諾懿等。
白姐姐坦言捧謝偉俊場，但她就無意上台作互動發問，並自嘲說：「我哋呢啲咖喱啡，係舊電池，仲有乜好講。」至於雙方感情狀況時，她就反叫記者猜測，並笑指變幻才是永恒。張學友、劉德華和眾無綫花旦小生都送上花牌。
唱歌唔怕走音
陳志雲與高志森等齊齊拜神，志雲透露會獻唱由黃偉文填詞的主題曲《時光盛宴》，他坦言緊張又興奮：「因為我已經十幾年冇參與舞台劇演出，最難得係冇一個嘉賓推我。唔驚走音，因為我唔係歌手，而且去年年尾已開始學唱歌。」志雲表示會大爆有藝人曾拒絕做《志雲飯局》嘉賓，至於會否邀請衞詩做嘉賓，他就坦言未能安排。此外，謝天華早前將志雲送贈的「Laughing哥牌匾」放在網上作慈善拍賣，最終有心人以$55,555投得，並於昨晚舉行交收儀式。
採訪：卓寶花
攝影：陳慧安、仇志德