鄭嘉穎之前和周麗淇分手，遭愛妹情切的周汶錡暗寸花心，昨日鄭嘉穎以宣傳嘉賓身份亮相馬場活動，出席名單也有周汶錡，鄭嘉穎晦氣表示周汶錡沒指名道姓指摘，碰頭不會覺尷尬，不過最終周汶錡也沒出現。
沙田馬場昨日舉行「愛彼錶女皇盃」2009，吸引了大批名人入場，如賭王何鴻燊與四姨太梁安琪、趙世曾和龔仁心等，鄭嘉穎、林保怡、廖碧兒和陳敏之則為愛彼錶宣傳及做手錶騷。
Kathy：冇人請我
鄭嘉穎之前因佘詩曼介入而與周麗淇分手，周麗淇胞姊周汶錡（Kathy）當日幫口寸他花心，Kathy昨日也在出席名單中，問鄭嘉穎將與舊愛胞姊Kathy同場，他即時臉露不悅說：「唔係舊女友，係朋友，做嘢啫，唔會尷尬。」Kathy之前暗寸他花心，鄭嘉穎繼續木無表情說：「唔知喎，如果佢冇講名，即係唔係話我囉，除非佢真係開名話係我啦。」不過，Kathy最終缺席活動，到散場都不見蹤影。
事後致電問Kathy為何缺席時，她即時大呼小叫：「吓，冇人搵過我出席喎？邊間公關公司搞？冇人請過我，我點會去呢？唔好搵我做宣傳！」
愛彼錶形象大使楊紫瓊昨日偕男友JeanTodt現身撐場，更和小小超李澤楷前女友羅愛欣結伴落沙圈。JeanTodt早前入籍大馬做拿督，楊紫瓊開心說：「係呀，佢想搵個secondhome，諗起我喺馬來西亞出世，嗰度地方靚，樣樣平靚正，佢又鍾意游水，所以揀咗馬來西亞，我哋一齊買咗個物業KLTower，可以望到GoldenTriangle。」但她謂物業不是長住或新居之用。
楊紫瓊拒提梁洛施
楊紫瓊又謂與梁洛施（Isabella）已「好耐冇見，冇聯絡」，但祝福她有機會讀書，對於有傳Isabella懷孕在美安胎，楊紫瓊大為詫異說：「吓，冇聽過。」之後拒絕再談。至於成龍的奴才論，楊紫瓊直言怕講錯，避重就輕說：「希望大家唔好捉住佢啦，人總會makemistakes。」藝人是否不應談政治？她說：「每個人都會講政治，都會涉及到，我覺得不如用名氣做多啲善事。」
採訪：JessicaNgan
攝影：WongWaiHung
