花旗股市上禮拜五造好，港股今日應該可以高開，後日就係期指結算，好友點會錯過機會？
花旗政府公佈銀行壓力測試大綱，市場睇法唔係好一致，除取決於未來公佈嘅細節之外，仲要睇花旗政府採取乜嘢行動。不過，外圍股市走勢偏強，今日除咗滙控（005）之外，石油股都可以留意。
中石油C輪15437：中石油（857）上日報收6.81元，股價早幾日升上7.10元之後反覆下試20日線，低位企得好穩，股價慢慢推番上10日線樓上，油價反彈，有利中石油上破7.10元，破位睇7.80元，可以諗吓隻C輪15437，現價13.3仙，有效槓桿3.2倍，正股升上7.80元，15437睇20.2仙，正股跌穿6.35元，就沽咗隻輪止蝕。
俊樺