豬流感疫症全球迅速擴散，勾起港人03年沙士慘痛回憶。有沙士康復者惶恐豬流感像沙士疫潮般肆虐香港，「唔夠膽出街」。當年沙士重災區淘大花園的居民代表則對應付疫情充滿信心，「居民都好警惕，如果真係打到嚟，我哋抗疫肯定快人一步。」
沙士康復者：唔夠膽出街
阿Kit在淘大商場任職理貨員時感染沙士病毒，其後患上骨枯，現時仍在家中休養。她上周開始留意豬流感最新消息，擔心像沙士般的大型疫潮重臨，「我一睇報紙，心諗唔好啩，又多一樣古靈精怪病毒。試過一次，擔心一定有，唔夠膽出街，生豬肉都唔夠膽掂。」她又表示沙士康復後體質虛弱，近日天氣反覆，擔心更易染病，「屋企有三、四盒口罩，自己一定帶口罩跟身，唔會去人多嘅地方。」
任職機場巴士司機時感染沙士的李新維，希望世界衞生組織總幹事陳馮富珍及港府吸取沙士的挫敗經驗，嚴密防疫，「睇到新聞都驚，如果打到嚟就少啲出街。大家都有心理準備，相信氣氛唔會好似沙士咁可怕。陳馮有咁大個經驗，應該會做好啲啩。」
淘大居民從來沒有鬆懈
淘大花園業主委員會聯會主席葉興國則指出，沙士爆發至今，居民從來沒有鬆懈。屋苑推出一系列改善環境衞生措施，包括在大堂增設紫外光空氣消毒機，廁所水也經消毒器處理，全部儀器一直運作至今。他正密切留意事態發展，一旦本港出現豬流感個案，聯會將增購口罩派給街坊，並發緊急通告，提醒居民戒備，「今朝飲茶見到啲委員，講起呢單新聞，都話要提高警覺。我暫時都有信心，大家有經驗，準備工夫會做得好啲，居民意識又高，唔似上次沙士咁突襲。」
本報記者
