成日話日本波好賭，今周就唔係咁睇，9場波開咗7場都開下盤，4支踢亞冠盃嘅班霸，返嚟聯賽都唔多掂，除咗名古屋鯨魚憑小川佳純入波，驚險反勝水手2:1；川崎前鋒打多一人，都可以畀廣島三箭迫和，大阪飛腳更加大敗畀神戶勝利船1:3。日乙亦都有冷嘢爆，之前9場聯賽只入1粒嘅櫪木SC，終於叻仔番一次，主場同甲府風林打成3:3，足足係之前9場波嘅3倍；2.45倍嘅入球「大」，唔使半場就開咗，認真失常。