汪汪！我係一隻細細粒的芝娃娃狗仔。家主人都好鍾意帶埋我去移民，甚至旅遊，但係次次都只放我喺又黑又凍的倉庫，個籠又無廁所，我一係死忍，一係要同臭臭同眠，但主人就坐頭等客機睇電視等空中小姐服侍，唔公平！不過今個5月開始，終於有間PetAirways為我哋出頭，推出寵物專用機，成個機艙都只係寵物的天下，主人免進。Check-in後的兩個鐘又可以去lounge嘆點心同去廁所，機上仲有專人服侍。不過佢話每15分鐘就會有人過來看我哋一次，好似有點擾民囉。我都好想瞓番一覺，或者睇吓可唔可以同隔籬位狗女發生空中情緣！不過，暫時PetAirways只飛美國東西兩岸，國際線則仍在發展中，廣大的亞洲同胞就等吓啦！
記者：陳慧敏
網頁： http://www.petairways.com/