經過一場閃卡風波，「豬奴」對「天真妹」好似不離不棄咁，見親傳媒都出言力撐女友，關仁仲以為呢對戀人打風都打唔甩，點知一個轉頭，豬奴因為天真妹一句話最愛係「猩猩王」就打爛醋埕玩分手，真係世事難料。
其實天真妹嘅朋友一向都唔睇好呢段感情，因為豬奴似乎成日利用天真妹嚟自我宣傳，天真妹啲朋友勸過佢，話男方根本唔係真心對佢，只不過天真妹見到男友咁維護自己，就當朋友嘅忠告係耳邊風，完全投入戀情之中，繼續佢一貫又天真又儍嘅性格。不過聽聞近日天真妹同豬奴分手後，佢冇之前咁傷心，唔通真係豬奴唔係佢嘅最愛？
Textby關仁