成龍奴才論人神共憤，圈中人都不認同，連退出娛圈的關之琳，前晚都鬧成龍：「佢儍㗎！」又以國產貨用家身份，證內地貨品安全無事，指成龍貶低國貨說法不妥。單身多年的關之琳又自認眼角高，要憑感覺覓愛人。
成龍充份表現自己奴性的奴才論，惹來港台兩地公憤。關之琳前晚在北京出席TheSwank開幕時裝騷，表示睇新聞得知，都有留意事件發展，提到成龍指香港人同台灣人要管，又說內地電視機會爆炸，之之忍不住說：「佢儍㗎！佢唔會啩？我都用緊大陸嘢啦，冇事喎，家內地嘅嘢都賣去全世界啦，佢呢句唔係好啱喎。不過，呢個係佢個人睇法。」
自認眼角高
成龍指港、台兩地太自由，要管一管，關之琳不認同說：「點管？不過，呢啲係佢個人意見。」關之琳之前表示影圈是非人生活，拒絕復出，問到她閒來可有投資？之之說：「好彩冇，唔係就要復出，樓價又冇乜跌，所以都冇買樓，美國方面都唔係咁好。」有無買電盈？她說：「好彩冇買！」
之之謂自己連愛情滋潤都無，只有幾個可以吃飯、傾偈的好朋友，有無追求者？之之笑笑口說：「點好意思講出口，要睇吓夾唔夾。」對追求者要求高，眼角高？她直認不諱：「我諗都係，我要憑感覺，呢啲唔係字句解釋得到。不過我唔會悶，我好開心，好多朋友。」同場正有稱她為姐姐的楊小娟。
此外，TheSwank前晚舉行的09春夏時裝騷，展出89套包括RobertoCavalli、AntonioMarras等新裝。
採訪、攝影：李全
