原來幾期冇寫過本欄，今次再度執筆當然要畀啲好嘢讀者。馬賽家陣一心要喺法甲封王，場場當晒決賽咁踢，我懶理里爾主場成績好勁，呢場照捧馬賽。〈救生圈〉宗旨係以小注扒冷；好，就要個6.5倍「和/客」做膽。
法甲連續7季俾里昂玩晒，眼見呢支班霸衰落，馬賽仲唔把握機會保住個榜首位？淨係睇佢哋上場落後羅連安特，最後都反勝2:1，就知恨呢個法甲寶座好耐。里爾今季主場輸過一場咁大把，但近期表現真係稍稍轉差，我會捧馬賽攞到聯賽6連勝。
不過睇番馬賽近期「半場」盤路，好興同對手打和，近10場聯賽就開出9場[半和]，熱熱地先買注2倍[半和]補本，然後再吼6.5倍「和/客」。
三箭前鋒5球啱數
今日正午都有場「大」戰，就係日聯廣島三箭迎川崎前鋒。1.48倍「大」我就唔推介嘞，玩個總入球「5球」又點睇？是但一邊贏3:2都中。三箭早排贏過柏雷素爾4:1，前鋒都贏過中岸水手5:0，咁啱兩隊季前熱身賽對撼，當時三箭就贏前鋒3:2，翻冧「5球」真係唔奇，7倍抵買。
最後一關就夠晒冷，不過信馬里迪莫近期走勢嘅話，補注1:1或「和/和」唔係好過份啫。雖然馬里迪莫今晚要作客賓菲加，但對手近兩場主場都輸畀科英布拉大學同甘馬雷斯，爆多場有幾奇？實5.6倍嘅1:1同5倍「和/和」啦。文：畢傑