【本報訊】承認吸食海洛英一年但現已戒掉的衞詩，在日本拘留60日後，體形明顯豐滿，面頰浮腫，與未被捕前的纖瘦身形有明顯分別。有曾吸毒的過來人指出，這叫「發水腫」，與「斷癮」有關，若半年內勤做運動及注意飲食，水腫情況會消失。
曾沉淪毒海、現時協助青少年戒毒的香港基督教得生團契總幹事馮都新指出，所有戒毒者在斷癮初期均會胃口大增，食量也隨之增加，「身體就會出現發水腫情況，外表睇好肥，其實係水腫，唔係真係肥。」他稱，若在成功戒除毒癮的半年內，勤做運動及注意飲食，水腫情況便會消失，體形會回復苗條。
被問及斷癮後一般再吸毒的機會有多大，馮直言很難評估，要視乎個人的意志力及生活環境而定，「如果同番以前班朋友一齊，又容易接觸到毒品，意志力唔夠堅定，咁就容易食番。」以他協助青少年戒毒經驗而言，有一半人戒毒後再沉淪毒海。
首五年是關鍵
他表示，斷癮後首五年是戒毒關鍵期，「其實佢（衞詩）喺日本拘留60日，身癮已經斷咗，但心癮就冇咁易，如果五年內都冇再掂毒品，食番嘅機會會大減。」但他曾目睹有人斷癮10年後再吸毒，「就算我戒咗毒咁多年，有時起身都會有典癮嘅感覺。」
