唔知係世錦賽影響，定係秋官套桌球劇效應，近排上親波樓都要排餐死，最慘係啲唔識篤嘅成日霸住張枱唔走，波樓老細都同畢傑講過，話好驚呢啲客仔唔識玩篤爛啲絨，直頭唔想做佢哋生意。
講開秋官套桌球劇，早兩日放假睇咗一集，內容係真係超誇，但絕對係賣點之一。
好似唱〈如果有神〉嗰位歌手，開波嗰cue就set咗士碌架，個對手竟然救咗無限cue輸到147先投降，仲有冇誇啲？對手要一cue全部紅黑清枱先追到平手，仲要爭至尊先贏到，完全唔合情理囉，同老友雞爺、古基講開都只係得啖笑。今晚拜仁就唔講得笑喇。
讓球：拜仁慕尼黑（上）
心得：史浩克連勝只係恰弱旅
近5場往績：LLWLL
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。