張家輝搞笑又得，做正經戲又得，所以佢攞到影帝都戥佢開心。每次公仔箱重播佢啲戲，特別係佢啲笑片，即使經已睇過無數次，但總會由頭睇到落尾。佢喺公仔箱出身，不過拍劇唔算好多，印象最深嘅肯定係《天地豪情》，佢飾演嘅甘量宏由忠變奸，真係幾搶。個人認為最好睇嘅，係佢同張可頤合演嘅愛情劇《十萬噸情緣》，而且佢仲唱埋主題曲《全速前進》，我仲要有呢隻歌㖭。
張家輝捱咗成20年終於出頭，利物浦自1990年後再冇攞過英格蘭頂級聯賽錦標，如果季尾攞到，就可以一圓19年之夢，兼且首次做英超盟主，希望佢哋可以好似張家輝咁啦！
讓球主客和：利物浦勝[-1]
心得：侯城變咗冇牙老虎
近5場往績：DWLLW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。