陳鍵鋒生得白白淨淨，皮膚仲靚過好多女人，馮仁昭不知幾羨慕，最近佢仲成為護膚品牌泥漿面膜代言人，日前到愉景灣拍攝廣告，事前陳鍵鋒一直擔心天氣欠佳，好彩最後天公造美。原來陳鍵鋒今次仲係該品牌面膜產品第一個男性代言人，佢話：「因為長時間化妝，所以我都好注重皮膚嘅清潔同保濕，其實護膚對男女都同樣重要㗎。」