早排TVB改革晚間新聞，提早到夜晚11點播出後收視報捷，令人意外係新聞後嘅天氣報道先係全城焦點，天氣女郎黃婉曼青春可人，一句「我哋家跳出香港」報道環球天氣成功上位，瞬即成為電車男新女神。佢喺網上有無數fans，facebook上更有一個後援會，人氣爆燈。
近日天氣女郎換人，雖則新人鄭萃雯冇影響收視，但黃婉曼成兩個星期冇出鏡，fans十分失落，好想知道女神芳蹤。八方收到風，原來黃婉曼今次真係跳出香港，早前被派到上海採訪世博新聞，所以暫時唔報天氣，佢係收視保證，TVB唔會收埋佢，等佢喺上海歸來，最快下個月就會再出鏡，大家放心啦。