衞詩（Jill）在日本涉藏毒昨日於日本上庭受審，Jill承認控罪，被判監兩年，緩刑三年。不少香港歌星紛紛替她鬆一口氣，並送上勉勵盼她知錯能改，孫耀威更直說：「我信其他藝人都有掂毒品，不過冇俾人拉。」
衞詩因涉藏毒於2月底在日本被捕，昨日她在當地接受審訊，Jill承認藏毒，被判監兩年，緩刑三年，並會於日內返港。昨日蘇永康、梁漢文和孫耀威等人到旺角出席無綫《超級巨聲》記者會，當年曾因藏有搖頭丸在台灣被拘捕及要勒戒的康仔得知Jill判決時說：「戥佢家人開心，折騰咁耐終有定案，希望Jill返香港後，畀時間佢沉澱，法律唔係置諸人死地，法律原意係希望人改過，小弟都係咁經過時間沉澱。」
「有人大麻當煙食」
Jill在庭上表示曾戒毒但不成功，康仔說：「我冇毒癮，所以當年台灣勒戒十日都放咗我。世上無難事，我都話咗一生人唔會再犯錯。」問到他有沒有戒毒方法提議給Jill，他說：「我冇毒癮，當時亦唔知點戒，總之畀時間佢。」孫耀威則認為現時Jill要學懂在過失中成長，讓人知道做錯事並非世界末日，犯錯後可以再站起來。孫耀威出口代Jill向唱片公司求情，希望她的唱片公司不要放棄她，他直說：「我信其他藝人都有掂毒品，不過冇俾人拉，我知有啲人大麻當煙食，曾經試過拍戲見過導演都係咁。」
身在上海演出溫拿演唱會的關楚耀（Kelvin）契爺譚詠麟說：「呢個已經係唔細嘅懲罰，希望今次之後佢會真心悔改，重新做人同埋要振作，年輕人要引以為鑑。」Kelvin所屬的環球高層黃劍濤在電話中說：「今日我冇同Kelvin聯絡，不過佢會自己留意電視。」
阿Sa：最緊要改過
另外，蔡卓妍（阿Sa）及謝安琪（Kay）出席港台的《大中華音樂潮起》活動，大多人得知Jill不用受牢獄之苦及能回港都戥她鬆口氣，阿Sa說：「有錯唔緊要，最緊要肯改過，希望佢得到大家寬恕。」Kay和Jill的男友Kelvin份屬好友，她說：「唔使坐監都好，有乜事等佢搞晒手續返嚟之後再算。」年前曾涉藏毒而被控的應采兒，昨日在澳門出席新戲記者會說：「當時等上庭心情好緊張，又唔想出街，好彩有父母同朋友支持。」
採訪：卓寶花、胡比、何永寧
攝影：陳志嵐、陳順禎