剛為個人演唱會揭開序幕的古巨基，今年2月已約滿金牌大風，但續約一事，基仔遲遲仍未動筆。之前有傳基仔暗中與華誼兄弟及英皇接觸，因而惹怒大老闆鄭東漢，更下令終止與基仔談續約一事。
指傳聞乃爛gag
基仔前晚被問到有關續約的傳聞時，他說：「呢段日子我花晒所有心力、體力同時間喺演唱會度，就算有公司對我有興趣，都唔會考慮住，完騷先會諗去向。Paco（黃柏高）都知道我呢段時間專心做騷，之後會搞合約嘅事。」
向有爛gag之稱的基仔，又指傳聞比其爛gag更好笑，他說：「可能大家見2月約滿都幫老闆做演唱會，先至有啲咁嘅傳聞，總之我哋之間有默契。」前晚完騷後在後台的開香檳儀式上，基仔與Paco有講有笑，似無芥蒂。