雖然啱啱同庾澄慶離婚，不過伊能靜就冇匿埋仲四圍走繼續做嘢，噚日佢就出現喺將軍澳電視廣播城，伊能靜話今次嚟係傾下月1號參與嘅賑災活動，不過詳情表演乜嘢就未知。至於有指黃百鳴有意斟佢拍《開心鬼》系列電影，伊能靜話：「係有傾過！家仲傾緊兩部電影，要睇個期度唔度到。」睇嚟離婚事件對伊能靜嘅娛圈事業冇乜影響，咁佢咁畀心機做嘢都係好事。