花旗19間大銀行嘅壓力測試結果非常受市場關注，今晚財政部會公佈壓力測試嘅大綱，相信會成為炒作消息，銀行股股價可能好波動，道指呢排喺8000點爭持嘅局面有機會打破。
港股噚日追番336點，企喺15200樓上收市，不過成交就縮咗，下個禮拜三期指結算，估計好淡雙方呢幾日會作最後搶攻，港股將較為波動。
中銀C輪16410：中銀（2388）收11元，升3.7巴仙，股價早排升破100日線後沿住條10日線推上，短線阻力11.12元，破位向位處13.20元嘅250日線推進，可以諗吓隻C輪16410，現價28.5仙，有效槓桿2.9倍，正股升上13.20元，16410睇46.3仙，正股跌穿10.20元就沽咗隻輪止蝕。
俊樺