以陳子聰為首、走街頭文化唱Rap歌為主的6人組合24味，近日為「關懷愛滋紅絲帶天使大行動」唱主題曲《照做》，昨日這首歌派上各大電台，因歌詞太露骨，新城電台表示會禁播，無綫則仍考慮中。有份填詞的陳子聰認為並非教壞細路，要到肉才有效果。
由陳子聰帶領下的6人組合24味，早前為「關懷愛滋紅絲帶天使大行動」唱主題曲《照做》，由於是宣揚預防愛滋病，故有不少露骨歌詞：「×嘢唔戴condom你真係冇品，趁未×快啲戴上condom，我想聽到你喺我耳仔邊呻吟，做愛要笠膠袋，唔想瀨嘢戴保險套。」整首歌不停大唱condom、做愛滿場飛。
新城：有違廣檢法例
24味還為歌曲拍MV，但他們不敢玩嘢，只有眾成員唱歌，連女主角也欠奉，雖然如此，但有電台表明立場歌詞太出位不會播出街，昨日記者問到新城知訊台台長朱明銳，他說：「啲歌詞太過露骨，有違廣檢法例，應該唔會播出街。」
無綫製作部總監（非戲劇製作）何麗全表示，要視乎歌詞的露骨程度，無綫有內部審查，若太過份將不會播出，因為所有MV也有機會在中午時段播，故他們會小心揀選。
「教人預防愛滋」
對於歌曲遭禁播，陳子聰昨日說：「點解唔播得呀？如果寫得唔到肉，寫嚟做乜？因為呢啲係事實，啲歌詞又唔係教壞人，好正經㗎喎，係教人點樣預防愛滋。」陳子聰又謂若不能播出街，他們會感到很可惜，不過也有其他渠道可以聽到，因為稍後他們會將歌曲放上網任聽，因為他們主要宣揚預防愛滋病。
採訪：丁寧
