洪金寶早前接受鄭丹瑞為Now主持的節目《HomeSweetHome》訪問，罕有地談論兩段婚姻。洪金寶第一任妻子是韓國人，他表示：「人在異鄉，又有人對自己好照顧，好容易日久生情。有一次我到韓國工作，佢陪我去酒店checkin，點知酒店員工唔准佢入住，我同佢哋理論，但佢哋要證明佢嘅身份先得，於是我嬲得滯話佢係我太太，第二日就走去領事館同佢辦結婚手續。」
這段婚姻維持了14年便結束，洪金寶說：「呢14年都幾乎日嘈夜嘈，係我經常去媾女，成班武師都會去跳舞飲酒，晚晚夜返，老婆實嘈，最後大家都覺得冇意思就分開咗！」提起高麗虹，洪金寶說：「我脾氣臭，佢對我會忍耐。」
撰文：葉雪