今年港大學生會懷疑被「隱形（現形？）左派」攻陷，身為中大學生會外務副會長的范長豐希望大學生了解八九民運，明白六四對社會的影響，又認為來港讀書的內地學生大部份沒機會接觸外來資訊，普遍擁護政權，不能接受本地學生懷疑政府的態度。
對於學界近年出現的亂象，范長豐說中大學生會及四書院的學生會一直關心六四，舊莊會協助新莊討論事件，院校訪京則屬個別內部決定，「20年來學聯同埋學界都有好好嘅共識，等六四事件有個定論，先會決定同唔同內地政權合作，如果立場唔清楚，咪俾人統戰囉。」
普遍擁護政權
他說，近年校園多了很多內地生，有些人對事實一無所知，在香港得到資訊後感到非常驚訝，一時間難以接受，「好多內地同學都接受咗中央嗰套，對內地政府好愛戴、好讚賞，好缺乏批判，有啲人聽到我哋講呢啲嘢（六四），會覺得好憤慨，叫我哋唔好叉到佢哋底線。」
他憶述自己中五時到北京交流，向當地大學生問及六四，「佢哋聽到我問覺得好突然，私底下同我講，其實件事民間個個都知，但係邊個敢去講呢？呢個局勢，邊個影響到呢？唔敢行呢一步，無力感好強。」
另一中大學生Ivy就認為本港及內地學生的矛盾不算嚴重，「未去到咁拉鋸，但係好多都好保守，雖然佢哋有咁嘅諗法，不過嚟到呢個地方都係好事，可以接觸多啲資訊。」
本報記者