憑主唱電影《NANA世上的另一個我》插曲而走紅嘅日本女歌手伊藤由奈，噚日下晝飛抵香港，準備出席連串活動。着住性感短裙仔嘅佢，喺禁區入面扮靚45分鐘先出閘，獲十幾個fans接機。伊藤收到唔少禮物，仲好友善咁用英語同fans傾偈簽名。佢話今次冇時間shopping，最想飲茶同食海鮮，暫時亦未有計劃喺香港開大型個唱。