熊黛林昨日在銅鑼灣出席母親節活動，對於早前金像獎之夜不慎露點，她堅稱做足防走光措施，指被拍得走光的是膠紙，更指晚裝緊得連向上抽的僅餘位置都沒有。另有報道指黃百鳴不滿賽果黑面，她代解畫指不笑不代表黑面，反之《葉問》台前幕後都十分開心激動。
熊黛林昨日穿上D&G裙子在銅鑼灣出席母親節活動，記者問她在金像獎當晚不慎露點上頭條，她說：「完全冇（露點），我自己知係冇咪得，嗰晚我黐晒膠紙，影到走光嘅係膠紙，件晚裝已經緊無可緊，食埋飯之後連抽上去都冇位。」
拍續集冇壓力
問到黃百鳴似不滿《葉問》僅奪兩獎黑面，有份演出該片的熊黛林即代老闆解畫說：「唔笑唔代表黑面，攞咗兩個大獎我哋台前幕後人人都好開心激動。」她又透露《葉問》續集將於8月開拍，問再有份演出的她作好準備沒有？她說：「永成（她在片內角色）係永遠唔使準備，要自然啲，我冇壓力，第一集要惡啲，第二集就溫柔啲。」會否有親熱鏡頭？她說：「如果有咁嘅需要一定做。」
拒與志玲比較
再問到有指金像獎當晚本安排她與林志玲同台任頒獎嘉賓，結果當日下午林志玲突然婉拒大會安排，她說：「我唔知呢件事，幾年前喺上海一個活動試過同佢同台，嗰時我係模特兒身份，佢係嘉賓，當時佢一定唔識我，不過我唔會同人比較。」再問她是否真的已經與郭富城分手？她起初答已講過，旋即扮失憶指不記得自己說過甚麼。
採訪：RitaLeung
攝影：RickyIp