電盈（008）私有化鬧劇謝幕，由於公司宣佈派發1.30元特別股息，換言之，無論私有化搞唔搞得掂都好，大股東一樣袋咗大筆現金。經此一役之後，電盈再度被「掏空」，負債重兼冇錢，相信電盈後市有排跌！
公仔箱報道中，竟有散戶對電盈派特別息感到「喜出望外」。星俠真係唔明呢位散戶諗緊乜？似乎唔知隻股更大之危機在後頭。
半年累升330%
受美國市場環境劇變拖累，創科實業（669）去年10月遭逢災難式大跌，由8元水平狂瀉至最低1.11元，惟經股災洗禮後，創科踏入09年，股價緩步上揚，昨收報4.82元，升0.02元，與去年10月低位比較，累升達3.3倍。
創科公佈08年度業績，期內銷售額上升及控制成本奏效，純利增長40%至1.75億元。由於股價累升唔少，現價唔鼓勵再追，回落至4元才考慮。
方星俠