一場金融海嘯，令銀行高層薪酬備受各界關注，唔少人都主動減薪。華華噚日喺《證券日報》睇到，內地民生銀行嘅高層亦跟隨大潮流減薪，但份糧仍然令唔少人羨慕。
副行長升職逆市加薪
話說民生銀行今年首季賺24.99億元（人民幣．下同），比舊年同期增加1.6%，業績雖然有增長，但就唔能夠延續舊年全年增長38%咁好成績。
董事長董文標好識做，自降薪酬35%，睇落都減得好狠吓，但查實都收咗1136.6萬元。行長王浵世減薪10%後，收804.215萬；至於副行長洪崎更可以話係逆市奇葩，因職級調整而加人工。減咗人工都有千萬年薪，你話係咪恨到口水流。