「影Product？最難呢瓣！」身邊攝記都咁話。齋用燈就有排你學，單係商品攝影都可開個文憑課程。今日《數碼達人》將深入淺出教你影靚商品相，影完擺上eBay包你賣個好價；文字版睇完想再學深入啲？Click入以下網址睇埋短片教學，就更清楚易明啦！
記者︰陸俊雄
攝影︰伍慶泉、王文忠、林栢鈞
鳴謝︰Nikon、CheCheNewYork
D90影紅酒杯
教影咩產品先？知大家想向高難度挑戰，今集最吸引的一環係影紅酒杯，仲係裝住紅酒嗰隻。要知道影呢類高度反光的物件已經唔易，顧得輪廓仲要顧埋酒色，到底點打燈呢？簡單來講要用Backlight打出酒杯輪廓，而且要用另一支燈從背側光位打落紅酒處，目的是呈現酒色。聽就易呢？不妨Click入動專輯，睇睇點用NikonD90實試，全個SetUp擺定你睇。
好Feel食物靚相
不論男女，另一種最常影的是食物相；不一定是商業用途，放上Blog與人分享也有滿足感。Click入蘋果動專輯的《數碼達人》，會睇到只用逆光，或只用前側光的不足之處，以及教大家掃上少許食用油，和加上小量道具做襯托，成個氣氛感覺當堂唔同晒。
影飾物避黑邊
影金銀飾物，最難是經常反射到四周環境，形成黑邊。我哋會教你連四方柔光攝影棚都唔用，改用牛油紙卷一圈，配以Backlight及側光，包住件飾物來影，既便宜又能得出類似效果。
其他攝影教學內容
皮手袋影凹凸紋理
遇到凹凸紋理強烈產品，要用兩支閃燈拍攝，配合一強、一弱燈光效果，就可以影出紋理效果。
玩具網上Bid相
用一支閃燈！點樣可以將平平無奇嘅玩具，影到好立體呢？原來簡單玩撞白牆打Bounce就得！
http://av.appledaily.com
下期預告：夜景攝影（5月8日/9:00am）
