自雷曼迷債出事之後，唔少散戶聽到乜乜產品物物產品就即刻耍手擰頭，有見及此，市場數一數二嘅輪商比聯（KBC）用咗大半年時間籌備個新網站，畀投資者做多啲功課先入場。比聯股票衍生產品部董事Connie阮嘉麗話，新網站有比聯獨有嘅「3個1」風險指標、實踐槓桿（同市面嘅理論槓桿唔同㗎）、市場所有窩輪嘅引伸波幅，甚至連圖表都有得睇。
華華發現新網站入面有一欄叫「超勁爆炸」，Connie解釋呢個係專為高風險投資者而設嘅高槓桿、高回報牛熊證，想知道有幾超勁爆炸，就要去KBC個新網站（kbcw.com.hk）睇睇，因為即日起到5月15日，只要投資者將佢哋對新網站嘅意見e貓畀KBC又被採納，就有2000蚊超市禮券，名額100人。