衞詩（Jill）今年2月底在日本涉嫌藏毒被捕，至今日已被囚59日，在這近兩個月的時光中，她的生活已撥亂歸正，其經理人陳善之昨日到東京灣岸警察署探望衞詩後，透露她被囚後不但增磅，且正在學習日語及瑜伽。
日警讚守規矩
陳善之說：「情況比我想像中好，佢情況OK，入面啲人對佢幾好，當今次係一個冷靜期啦！阿Jill同我講之前好唔開心，家心情平靜咗好多。佢好驚返唔到屋企，我哋有安慰佢，最緊要誠實同相信律師，佢爸爸會為佢祈禱，我自己信佛，都有幫佢念經。」
陳善之續說：「佢喺裏面生活幾好，有學日文，有瑜伽，有做運動，日本好講人權，照顧得佢好好，見面嘅同行警察仲讚阿Jill好勤力、守規矩。」他又形容衞詩說：「比較攰，仲肥咗。」但陳善之拒提案情，也不知衞詩會否認罪，但律師會盡力而為。