湯盈盈因醉駕傷人，被罰160小時社會服務令亦已經開始，前晚佢喺將軍澳拍攝反醉駕宣傳片段，呢個短片會放喺《2009TVB最受歡迎廣告頒獎典禮》度播出，而余錦基都有到場，睇吓有冇機會用嚟做政府宣傳片。盈盈以過來人身份拍攝，感受特別大，佢話：「呢次係一個警惕，我唔想用太悲嘅手法拍，因為我嘅性格係開心嘅。」