官場手袋黨又出動！剛退休嘅申訴專員戴婉瑩、前高官李麗娟、丘李賜恩，現任食衞局常秘李淑儀，同現任公務員事務局常秘黃灝玄等，噚晚現身法國駐港總領事戴博官邸，咁齊人，係要恭喜陳太獲頒授最高榮譽騎士團勳章。
戴博指陳太係香港傑出女性榜樣，從不放棄信念，有需要時會以堅定及平和方式為香港言論自由、民主發聲，而讚揚陳太敢於與主流對抗。曾多次訪問法國嘅陳太話，有次去到巴黎時遇上大罷工，示威者滿街搞到大塞車，法國政府派專車，仲要逆線而行送佢同外交部長食晚餐，呢次經歷至今難忘。
陳太一家人，孿生妹妹方寧生、弟弟方慶生同方林生等，噚晚闔府統請到賀，民主黨馬丁都有到場。