《第七屆全球華語大學生影視獎》頒獎典禮昨日在大學會堂舉行，除了擔任影視獎大使的朱茵和任達華有份出席外，其他嘉賓包括有吳宇森、黃貫中、2R的黃婉君（Rosanne）和黃婉伶（Race）、張同祖、吳思遠和陳嘉上等，是次頒獎禮也特地向吳宇森致敬，以表揚他對電影的貢獻。
談到電影《赤壁》雖然在金像獎上獲得5獎成大贏家，但只是技術獎，身為導演的吳宇森昨晚表示：「我都覺得好開心，呢部戲只係上集，仲有唔完整嘅地方，寄望下集會有好成績。」
Race都話亂
此外，對於日前有報道指Race緋聞男友向佐送豪宅一事，家姐Rosanne代妹否認，她說：「如果唔係努力工作而得到嘅嘢，我哋係唔會要，而且我哋都冇咁好命。」Race則無奈地說：「呢個圈真係好亂，因為啲周刊喺度亂咁寫。」
採訪：何永寧
攝影：陳慧安、陳俊強
