花旗股市禮拜一跌咗近300點之後，前晚追番127點，不過內地A股大幅下挫，影響咗港股氣氛。
噚日港股大跌407點收市，15000關失守，成交顯著增加，睇嚟下試20日線無可避免，至於守唔守得住，就要睇花旗股市同A股嘅表現。
聯想C輪15915：聯想（992）昨收2.17元，升1個價位，個市咁差，走勢算係好硬淨，股價喺10日線現倒轉錘，今日如果裂口炒上，有機會升破噚日高位2.30元，破位睇2.60元，可以諗吓隻C輪15915，現價66仙，有效槓桿2.2倍。
正股升上2.60元，15915有機會見98仙，正股跌穿2元，就沽咗隻輪止蝕。
俊樺