金牌大風男歌手近日相繼招惹桃色新聞，繼方力申被指狼媾美少女廚神胡心諾後，側田昨日也被指在曾志偉的生日會上借醉行兇，先摸《美女廚房》天使「香蕉」王淑玲的屁股，後轉場再向文頌嫻下手。
側田昨日臨時在尖沙嘴舉行記者會，指有關報道全屬虛構，他說：「好影響我人格、生活、屋企人同fans。」他更強調不認識香蕉，又說：「上過節目唔代表識佢哋，嗰晚我係飲到highhigh哋，但冇同女仔玩，只係同幾個朋友玩啤牌。我有轉場玩，本身同文頌嫻亦唔熟。」王淑玲昨晚就接受《東張西望》訪問，否認被側田抽水，她說：「我當日好攰，只係自己玩，而且人太多又黑，睇唔清同唔肯定有乜人，我只係同幾個天使坐埋一邊傾偈。」
口供有出入
不過王淑玲經理人林祖輝卻與她的說法有出入，他昨日在電話說：「佢有同我交代過成件事，佢話當晚係同側田同場，大家有傾偈，但一定冇身體接觸。」
此外，吳雨霏昨日出席活動時力撐側田是正人君子，不過小肥到新城接受訪問時卻踢爆說：「正常男仔見到靚女都一定開心，有時都會聚埋講吓個女仔幾靚咁。」
採訪：胡比、馬建華、張俊銘
攝影：陳俊強