唔做議員後，田少越來越投入旅發局主席呢個角色，上任之初話唔想太頻撲周遊列國宣傳香港，家都要打倒昨日的我，日內會去深圳傾擴大自由行事宜，同時會聯同黨友方剛，喺深圳派香港零售業自行印製嘅消費券，希望內地人拎住大叠消費券嚟香港，補助吓本地面對嚴冬嘅零售業界。
去完深圳，田少下星期三會訪問台灣，旅發局台灣辦事處正安排田主席訪台行程，暫訂會參加台北多項旅遊推廣活動，包括母親節同夏季遊宣傳等，為吸引更多台客，減少流失去大陸。
業界亦會推出優惠畀持台胞證旅客，由於台灣5月中會有一個大型旅遊展覽，旅發局希望喺呢個大型推廣活動前，爭取更多曝光機會。