上月被印傭發狂咬傷的郭羨妮，前晚復工在中環亮相名牌鞋履開幕禮，但就降格和李亞男齊齊變相做禮儀小姐，幫設計師拿花球剪綵。郭羨妮當黑被襲更要搬家，未請到工人要自己做家務，惟有自我開解當減壓兼減肥，更謂沒有一個舊愛慰問她！
意大利鞋履品牌GiuseppeZanotti在中環ifc開設首間專門店，設計師GiuseppeZanotti專誠來港，吸引了溫碧霞、名模周汶錡、榮雪梅、JoyceMa胞妹郭志怡、鄧永鏘女兒鄧愛嘉等捧場，索取設計師繪畫的高跟鞋手稿和簽名。前晚開幕禮上，大會安排郭羨妮和李亞男陪同設計師剪綵，但兩人原來並非做特別嘉賓，而是陪襯性質，負責拿着花球兩邊絲帶，跟禮儀小姐分別不大。
「做家務可減肥」
郭羨妮早前被印傭襲擊受傷，近日更搬家到清水灣半島，她前晚左手貼着去疤貼開工，她說：「多謝大家關心，我未請新工人。我家鍾意做家務，做家務可以減壓、緩和情緒，又可以減肥，唔係好需要請工人。」因為有陰影？她說：「唔係，但係要搵到啱又夾到嘅好難。」
提到案件已經完結，郭羨妮說：「工人離開咗香港，我買咗機票畀佢走，案件完結咗，佢應該都唔可以再嚟香港做嘢。」她謂事件發生後收到很多朋友SMS及電話慰問，可有前度男友？她說：「一個都冇！」溫兆倫？她說：「冇！」殼王陳國強？她大反應說：「嘩，呢個完全唔係喎。」大宇？她說：「都冇，全部都冇。」
溫碧霞勁晒命
溫碧霞以購自連卡佛的紅裙盛裝現身，她不忘晒命說：「因為近期多廣告，又有床上用品，又有skincare，所以要買多啲衫。」叫老公埋單？她說：「唔使，好少啫，一季買6位數字，自己畀得啦。」她又謂稍後會歐遊，去羅馬、瑞士等地，出血購物及逛藝術館。
採訪：RitaLeung
攝影：RickyIp