【本報訊】財富管理這門生意，早幾年股市當旺時，各機構越做越大。不過，業界人士指出，全球金融海嘯嚴重打擊由超級富豪以至普通打工仔的投資興趣，本港財富管理市場的生意，較高峯時已急跌達七成。市民不敢買基金，財富管理公司近月惟有主攻保險計劃，「一張保單講明每年回報幾多厘，起碼算係穩陣嘅投資。」
「對長線投資冇信心」
靈獅財富管理董事王霖表示，本港市場有三類公司替客戶作財富管理。很多銀行像滙豐一樣，設有私人銀行部；此外，保險公司也加入競爭行列；還有各間大中小型、行內稱為「IFP」（IndependentFinancialPlanner）的獨立理財顧問，這類公司全港約有200至300間。市場競爭可想而知。
他解釋，財富管理生意銳減的原因，主要是現時投資信心極為薄弱，「投資者唔係冇錢，但金融海嘯後，好多人唔敢再涉足投資市場，對長線投資冇乜信心。」很多理財顧問公司生意急跌至只剩三成。
不過，王霖仍然對財富管理市場甚具信心，「呢班投資者持有嘅資金，最終都要搵出路，唔會一直揸cash。」
最近股市小陽春，投資氣氛略為轉好，他說部份投資者已開始重新部署投資策略，其餘人士的心態則是「睇定啲」。因此，投資者回復信心，只是時間問題。
金融海嘯滙豐裁員事件簿
21/4/09：滙豐私人銀行裁員100人
30/3/09：滙豐保險裁員17人，另69人要接受調職安排
2/09：工會收到消息滙豐裁員約10人，主要來自資訊科技及後勤部門
17/11/08：亞洲區裁員500人，其中香港450人
25/9/08：旗下「環球銀行及資本市場」全球裁員4%，香港100人
資料來源：《蘋果》資料室