股市走勢難料，散戶有錢都唔敢投資，只想搵着數，金融機構看準投資者心態，推出各種優惠吸納新資金，如滙豐及中信嘉華正推行保險迎新優惠。
要睇清條款
滙豐5月底前，投保指定人壽保障及醫療計劃，只要合乎要求，可獲超市禮券、保費豁免或折扣優惠，例如購買醫保，保費達一定金額（由千多元起），有200元禮券，人壽保險要求則較高，3種指定人壽保單的首年保費要多於2萬元，才可獲500元禮券，及一個月保費豁免。
至於中信嘉華的優惠期較長，由即日至6月底，投保指定壽險產品，可選定存優惠、信用卡簽賬額或禮券。只要定期壽險計劃的首年保費達2萬元，或整付壽險保費為20萬或以上，做港元或美元一個月定期，可享牌價加2.5厘優惠年利率，如首年定期人壽保費為2.5萬元，存入最高限額本金25萬元，以一個月港元牌價0.05厘加2.5厘，一個月定期利息可得520元。
不過，買保險最重要是產品切合需要，另更要睇清保單條款，保障為長遠，優惠只屬短期及一次性，投保前應以保障行先。