林憶蓮為咗響應今日嘅世界地球日，佢日前同埋香港地球之友嘅同事，一齊去咗大潭郊野公園行山，雖然行咗幾個鐘，但憶蓮越行越精神，佢好享受郊外寧靜又清新嘅環境，佢話：「我覺得喺大自然環境之中，除咗做運動，仲可以整理思緒，可以諗到好多平時繁忙生活諗唔到嘅想法。」憶蓮仲建議大家可以挑戰崎嶇山路，不過馮仁昭就覺得乜嘢都要安全為上。