曾為電影《NANA世上的另一個我》主唱插曲而大紅嘅日本女歌手伊藤由奈，聽日下晝1點半由東京飛抵香港，夜晚會到觀塘apm商場出席新碟發佈會，後日就會去九龍灣國際展貿中心舉行嘅C3日本動玩博覽舉行迷你音樂會同簽名會，同fans近距離接觸。伊藤星期六仲會出席TVB最受歡迎廣告頒獎典禮，到星期日就返東京，行程相當緊密。