花旗股市前晚大幅下挫，噚日港股亦借勢調整，近排港股氣勢雖然好，但係始終無法突破16000關，出現技術調整應該係投資者意料之中。
恒指昨日報收15285，跌465點，貼近10日線，下支持位係20日線，條線家喺14580，睇技術形態，港股只係調整而唔係結束升市，短線策略係炒個別，石化股有啲睇頭，可以留意。
中石化C輪16033：中石化（386）報收6.07元，雖然跌1.9巴仙，但股價連續第4日企喺250日線水平，10日線上移到5.83元，隨時發力炒上，推向7.50元，可以諗吓隻C輪16033，現價19.6仙，有效槓桿2.3倍，正股升上7.50元，16033睇31.1仙，正股跌穿5.50元，就沽咗隻輪止蝕。
俊樺